ഒട്ടു വര്ഷങ്ങള്ക്കു മുന്പാണ്..
മഹാരാജാവിന്റെ കൊട്ടാരം.
അലങ്കാര വിളക്കുകളുടെ വെള്ളിവെളിച്ചം.മുത്തും രത്നങ്ങളും പതിച്ച ചുവരുകള്.
ഒരു തലക്കല് കൂറ്റനൊരു കനകസിംഹാസനം.
അതിലങ്ങനെ നീണ്ടു നിവര്ന്നിരിക്കുകയാണ് നമ്മുടെ രാജാധിരാജന്.
ഇരു വശത്തുമുള്ള പ്രൌഡഗംഭീരമായ ഇരിപ്പിടങ്ങളില് പ്രമുഖര്.
ആഹാ! ഭേഷ്..
"നാം പ്രമാദമായ പള്ളിക്കേസ് ജയിച്ച ദിവസമാണിന്ന്!
നമുക്കിതോന്നാഘോഷിക്കണം.
ആരവിടെ!..രാജ്യത്താകമാനം വിദേശമദ്യം ഒഴുകട്ടെ.
കൊട്ടാരം നര്ത്തകിമാരുടെ പെര്ഫോര്മന്സ് റൌണ്ട് ഉടന് തുടങ്ങട്ടെ."
പെട്ടെന്ന് തെക്കേ മൂലയിലുള്ള വാതില്ക്കല് നിന്നു ഒരു ദീനരോദനം.
"അങ്ങുന്നെ.."
"ആരിത് കോരനൊ? വരിക വരിക..ആരവിടെ! കോരന് ഇരിക്കാന് ഇരിപ്പിടം കൊടുക്കു"
"അങ്ങുന്നെ..ഇരിക്കാനുള്ള സാവകാശമില്ല. അടിയന്റെ കെട്ടിയവള് നങ്ങേലി കിണറ്റില് വീണു!"
"അറിഞ്ഞതില് നാം അതിയായ ദുഃഖം രേഖപ്പെടുത്തുന്നു.ആരവിടെ!തളര്ന്നിരിക്കുന്ന കോരന് കുടിക്കാന് ലൈംജ്യൂസ് കൊടുക്കു"
"അതല്ലങ്ങുന്നെ.നിലയില്ലാത്ത വെള്ളമാണ്.ഉടന് വേണ്ടത് ചെയ്യണം"
"അങ്ങനെയോ?താന് വിഷമിക്കതെടോ. ഈ പ്രശ്നം പഠിക്കാന് നാം ഇന്നു തന്നെ ഒരു നാലംഗ സമിതിയെ നിയമിക്കും.അഞ്ചു വര്ഷം പഠനം നടത്തി സമിതി റിപ്പോര്ട്ട് സമര്പ്പിക്കും.
റിപ്പോര്ട്ടിന് അനുസരിച്ച് വേണ്ട നടപടികള് ഉടന് നടപ്പാക്കും.
എന്താ സന്തോഷമായില്ലേ?"
ഞെട്ടിത്തരിച്ചു നില്കുന്ന കോരനെ തള്ളിമാറ്റി രംഗപ്രവേശനം ചെയ്ത അണികള് അലറി..
"മഹാരാജാവ് നീണാള് വാഴട്ടെ"!!
നന്നായിട്ടുണ്ട്
മറുപടിഇല്ലാതാക്കൂമുന്പത്തെ പോസ്റ്റും മോശമില്ല...
പക്ഷെ ഇത് ഉഷാറായി കേട്ട്ടോ...
എഴുതുക, എഴ്ഹുതിക്കൊന്ടേയിരിക്കുക .....